पुजा लम्साल, सुनवल । पश्चिम नवलपरासीको सुनवल नगरपालिकाले कुपोषित वालवालिका खोजपड्ताल अभियान सञ्चालन गरेको छ । नगरलाइ कुपोषण रहित नगर बनाउँने अभियान अन्र्तगत नगरका १३ वटै वडाहरुमा ६ महिना देखि ५९ महिना उमेर सम्मका बालबालिकाहरुको तौल अनुगमन शिविर सञ्चालन गरी कुपोषित वालवालिकाहरु खोजि गरिएको हो । यस कार्यक्रम अन्र्तगत नगरमा पोषणको अवस्था कस्तो छ भनेर नगरका ६ महिना देखि ५९ महिना उमेर सम्मका ५ हजार ९१ जना वालवालिकाको तौल लिईने नगर स्वास्थ्य शाखा प्रमुख कृष्ण न्यौपानेले जानकारी दिनुभयो ।
नगरका विभिन्न विद्यालय, आमा समुह भवन, सामुदायिक भवन, स्वास्थ्य केन्द्र लगायत गरी ६३ वटा स्थानमा केन्द्र राखेर स्वास्थ्यकर्मिद्धारा माघ २३ गतेबाट बालबालिकाहरुको तौल अनुगमन गरिएको हो ।
स्वास्थ्य शाखा प्रमुख न्यौपानेका अनुसार यस अभियान आगामी माघ २९ गते सम्म सञ्चालन हुने छ । सो क्रममा कुपोषित वालवालिका भेटिएमा ओटिसी सेन्टरहरु रामनगर हेल्थ पोष्ट र सुनवल हेल्थ पोष्टमा उपचार गरिने उहाले बताउनुभयो । नगरले कुपोषित वालवालिकाको उपचार पुरा भए पछि ६ महिना सम्म मासिक रु ५ सय पोषण भत्ताको व्यवस्था गरेको छ । यस कार्यक्रमबाट वालवालिकाहरुको थप वृद्धि विकासमा सहयोग पुर्याउने विश्वास लिएको स्वास्थ्य शाखा प्रमुख न्यौपानेले बताउनुभयो ।
