काठमाडौँ । चिकित्सक संघ र सरकारबीच ६ बुँदे सहमति चिकित्सकहरुले आन्दोलनका कार्यक्रम स्थगित गरेका छन्। आज प्रधानमन्त्री तथा मन्त्रिपरिषदको कार्यालय सिंहदरबारमा भएको वार्तामा ६ बुँदे सहमति भएको हो। माघ २७ गते राष्ट्रपति विद्यादेवी भण्डारीको सवारीको क्रममा ट्रमा सेन्टरका एक चिकित्सकलाई सुरक्षाकर्मीले लाठी प्रहार गरेर घाइते बनाएको थियो। त्यसकै विरोधमा आज देशभरका स्वास्थ्य संस्थामा आकस्मिक बाहेका सबै सेवा बन्द गरेर आन्दोलनमा उत्रिएका छन्।
वार्तामा चिकित्सक कुटिएको घटनाको समग्र पक्षमा एक हप्ताभित्र छानबिन सम्पन्न गरी दोषीलाई कारबाही गर्ने, घाइते चिकित्सकको उपचारको व्यवस्था सरकारले गर्ने, स्वास्थ्यकर्मी र स्वास्थ्य संस्थाको सुरक्षा व्यवस्थालाई प्रभावकारी कार्यान्वयन गर्ने र चिकित्सक संघले आन्दोलन स्थगित गर्ने सहमति भएको छ
