कपिलवस्तु । आसन्न मंसीर ४ गते तोकिएको संघीय र प्रदेश सभा सदस्य पदको चुनावमा उठ्न नेताहरुले लविङ सुरु गरेका छन् ।
विभिन्न पार्टीका नेताहरुले विभिन्न क्षेत्रमा चुनाव लड्ने इच्छा व्यक्त गरिरहदा नेकपा ९एमाले० कपिलवस्तुमा पनि त्यो क्रम बढेको छ ।
कपिलवस्तुमा ६ प्रदेशसभा निर्वाचन क्षेत्र रहेका छन् ।
०७४ को संघ र प्रदेशसभा निर्वाचनमा ६ प्रदेशसभा मध्ये ४ क्षेत्रमा बामगठबन्धनका उम्मेद्वार विजयी भएका थिए ।
आसन्न चुनावमा दलहरु कसरी चुनावी समिकरण गर्छन् यसै भन्न सकिने स्थिति छैन् । केन्द्र सरकारमा रहेका ५ दलले भने आसन्न चुनावमा पनि गठनबन्धन गरेर जाने निर्णय गरिसकेका छन् ।
एमालेले कसरी चुनावी ‘गेम’ चाल्छ अझै भन्न सकिने स्थिति छैन् ।
कपिलवस्तु निर्वाचन क्षेत्र नं. ३ (ख) प्रदेशसभामा एमालेबाट चुनाव लड्ने आकांक्षा राख्ने मध्येका नेता हुन् मेहताब आलम खाँ . मेहताब आलम खाँ ले यस क्षेत्रमा चुनाव लड्ने तीव्र इच्छा राखेका छन् ।
नेकपा एमाले कपिलवस्तुका नेता तथा पार्टी हार्डलाइनर समेत मानिने मेहताब आलम खाँ (पप्पु) मुस्लिम समुदायको बाहुल्यता रहेको क्षेत्रमा आफुले एक पटक जनताको सेवा गर्ने इच्छा रहेको बताएका छन ।