काठमाडौं, नेपालको भरपर्दो शैक्षिक परामर्श संस्था Study IN ले आफ्नो कार्यालय पुतलीसडक, काठमाडौंमा University Fair 2025 सफलतापूर्वक सम्पन्न गरेको छ। मेलामा ६ सयभन्दा बढी विद्यार्थीहरूको उत्साहजनक सहभागिता देखिएको थियो।
उक्त शैक्षिक मेलामा अष्ट्रेलिया, अमेरिका, बेलायत, क्यानडा, न्युजिल्याण्ड र दुबई लगायत विभिन्न देशका ६० भन्दा बढी अन्तर्राष्ट्रिय शैक्षिक संस्थाहरूका प्रतिनिधिहरूको उपस्थिति रहेको थियो। विद्यार्थीहरूलाई युनिभर्सिटी भर्ना प्रक्रिया, स्कलरसिप, बसोबासको व्यवस्था, शैक्षिक वातावरण तथा अन्तर्राष्ट्रिय रोजगारी सम्भावनाबारे सटीक र समयमै परामर्श प्रदान गर्नु मेलाको मुख्य उद्देश्य रहेको आयोजकले जनाएको छ।
मेलामा सहभागी विद्यार्थीहरूले विश्वविद्यालयका प्रतिनिधिहरूसँग प्रत्यक्ष अन्तर्क्रिया गर्न पाउँदा आफ्नो अन्योल हटाउन सहयोग भएको प्रतिक्रिया दिएका थिए। यस्ता मेलाले विदेशमा अध्ययन गर्ने चाहना बोकेका विद्यार्थीहरूको शैक्षिक यात्रालाई स्पष्ट दिशा दिन सहयोग पुग्ने उनीहरूको भनाइ छ।
कार्यक्रममा बोल्दै Study IN का कन्ट्री म्यानेजर नन्दन सिंहले योग्यताका आधारमा विद्यार्थीहरूले १०,००० पाउन्डदेखि पूर्ण स्कलरसिपसम्म पाउने मौका रहेको जानकारी गराए। साथै, उनले मेलामा सहभागी विद्यार्थीहरूले निःशुल्क आवास बुकिङको अफर पनि प्राप्त गर्न सकेको उल्लेख गरे।
मेलामा सहभागी विश्वविद्यालय प्रतिनिधिहरूले आफूले प्रतिनिधित्व गरेका संस्थाहरूका बारेमा यथार्थपरक र विश्वसनीय जानकारी प्रस्तुत गरेका थिए, जसले विद्यार्थीहरूलाई आफ्नो भविष्यको शैक्षिक योजना सँग सम्बन्धित निर्णय सजिलै गर्न सहयोग पुगेको छ।
