काठमाडौं, हेरिटेज एजुकेशनल सर्भिसेस प्रा. लि. को आयोजनामा साउन १५ गते त्रिदेवी सडकस्थित होटल बराहीमा युकेको प्रतिष्ठित युनिभर्सिटी अफ सुन्डरल्यान्डका प्रतिनिधिहरूसँग एक अन्तरक्रियात्मक कार्यक्रम सफलता साथ सम्पन्न भएको छ।
बिहान १० बजे देखि अपराह्न ३ बजे सम्म चलेको उक्त कार्यक्रममा युनिभर्सिटी अफ सन्डरल्यान्डको सन्डरल्यान्ड तथा लन्डन क्याम्पस प्रतिनिधित्व गर्दै तीनजना प्रमुख अधिकारीहरू सहभागी थिए।
कार्यक्रममा उपस्थित प्रमुख प्रतिनिधिहरू यस प्रकार थिएः
डा. जिओफ पउल, शैक्षिक उपनिर्देशक (Deputy Director – Academic) का रूपमा विश्वविद्यालयमा कार्यरत डा. पउलले अन्तर्राष्ट्रिय शैक्षिक पाठ्यक्रम, शैक्षिक गुणस्तर व्यवस्थापन तथा शैक्षिक अनुसन्धानको क्षेत्र सम्हाल्नुहुन्छ। उहाँले विद्यार्थीहरूलाई युकेको शिक्षण शैली, अन्तर्राष्ट्रिय विद्यार्थीलाई प्रदान गरिने शैक्षिक समर्थन र विश्वविद्यालयको शैक्षिक संरचना बारे गहिरो जानकारी दिनुभयो।
भानु वुल्लंकी, विद्यार्थी भर्ना तथा परिचालन विभागका उपप्रमुख (Deputy Head of Student Recruitment and Admissions) का रूपमा कार्यरत वुल्लंकीले विश्वविद्यालयमा अन्तर्राष्ट्रिय विद्यार्थीहरूलाई कसरी भर्ना प्रक्रिया सरल, सहज र प्रभावकारी बनाइएको छ भन्नेबारे व्याख्या गर्नुभयो। उहाँले छात्रवृत्ति, आवेदन प्रक्रिया, भर्ना समयावधि र आवश्यक कागजातहरूको विषयमा स्पष्ट जानकारी प्रदान गर्नुभयो।
सन्दीप कुडुपुडी, भर्ना प्रबन्धक (Admissions Manager) का रूपमा उहाँले विशेष गरी दक्षिण एशियाली विद्यार्थीहरूका लागि विभिन्न शैक्षिक कार्यक्रम, आवेदनका लागि आवश्यक मापदण्डहरू, कोर्ष छनोट प्रक्रिया तथा अंग्रेजी भाषासम्बन्धी योग्यता मापदण्डहरूको बारेमा विवरण दिनुभयो। उहाँले लन्डन क्याम्पसमा रहेका कोर्सहरू र तिनीहरूको पेशागत अवसरहरूबारे समेत विद्यार्थीहरूसँग अन्तरक्रिया गर्नुभयो।
कार्यक्रममा करिब तीन सयभन्दा बढी विद्यार्थीहरूको उल्लेखनीय उपस्थिति रह्यो। उनीहरूले विश्वविद्यालयको पाठ्यक्रम, शुल्क, छात्रवृत्तिको अवसर, आवेदन प्रक्रिया तथा युकेको भिसा प्रणाली सम्बन्धी विभिन्न प्रश्नहरू सोधेर प्रत्यक्ष जानकारी प्राप्त गरे।
कार्यक्रम समापन गर्दै हेरिटेज एजुकेशनल सर्भिसेसका प्रबन्धक उज्ज्वल सिंहले सम्पूर्ण विद्यार्थीहरू तथा विश्वविद्यालय प्रतिनिधिहरूप्रति आभार व्यक्त गर्दै भने, “विद्यार्थीहरूले यस्ता अन्तरक्रियात्मक कार्यक्रममा सहभागी भई सिधा स्रोतबाट जानकारी लिनु आफैंमा उपयोगी र मार्गदर्शक साबित हुन्छ। आगामी दिनहरूमा पनि हामी यस्ता कार्यक्रमहरू निरन्तर आयोजना गर्दै जानेछौं।”
