पश्चिम नवलपरासी । पुर्व पश्चिम राजमार्ग अन्र्तगत पश्चिम नवलपरासीको सुनवल ४ स्थित अल्कत्रेडाँडामा पिकअप र ट्रक एक आपसमा ठक्कर खादा एक जनाको मृत्युु भएको छ । दुर्घटनामा अर्का एक जना गम्भिर घाइते भएका छन् ।
शुक्रवार विहान ६ बजेको समयमा पश्चिमबाट पुर्व तर्फ जादै गरेको ना ४ च ९६३१ नं.को पिकअप र बिपरित दिशाबाट आउदै गरेको ना ५ ख ९७१५ नं। को कोइला लोड गरेको ट्रक एक आपसमा ठक्कर खादा सो दुर्घटना भएको हो ।
दुर्घटनामा गम्भिर घाईते भएका पिकअप चालक चितवनको भरतपुर महानगरपालिका १४ शिवनगर बस्ने बर्ष ५२ का राज कुमार बिकलाई उपचारका लागि उद्धार गरि उपचारको लागी जिल्ला अस्पताल परासी पठाईएकोमा बिहान ७ः१५ बजे डाक्टरले मृत घोषणा गरेको प्रहरी नायव उपरिक्षक तथा सूचना अधिकारी भोजराज पाण्डेले जानकारी दिनुभएको छ । मृतक विकको टाउको र शरिरको बिभिन्न भागमा चोट लागेको थियो । अहिले मृतकको शव भने सोही अस्पतालमा राखिएको छ ।
यस्तै पिकअपमा सवार चितवन भरतपुर महानगरपालिका वार्ड नं २३ बस्ने २५ बर्षका शिव श्रेष्ठलाई उपचारको लागी देवदह मेडिकल कलेज भलुहिमा पठाईएको सूचना अधिकारी पाण्डेले बताउनुभयो । घाईते श्रेष्ठको टाउको र दुवै खुट्टामा चोट लागेको र उनको अबस्था मध्यम रहको उहाले बताउनुभयो ।
ट्रक चालक मकवानपुर मनहरी गाउंपालिका वार्ड नं ३ हांडिखोला बस्ने बर्ष ४८ का कान्छा तामाङ र दुबै सवारी साधन प्रहरीको नियन्त्रणमा रहेको जिल्ला प्रहरी कार्यालय नवलपरासीले जनाएको छ । दुर्घटनाको बिषयमा थप अनुसन्धान भैरहेको सूचना अधिकारी पाण्डेले बताउनुभयो ।
