पश्चिम नवलपरासी । नेपाल आदिवासी जनजाती महासंघ रामग्राम नगर समन्वय समिति पश्चिम नवलपरासीको अध्यक्षमा भवानी शंकर चौधरी निर्वाचित हुनु भएको छ । आईतवार पवन मावि परासीमा सम्पन्न दोश्रो नगर अधिवेशनबाट आगामी २ बर्षका लागि चौधरी अध्यक्षमा निर्वाचित हुनु भएको हो ।
अधिवेशनले तिन जना उपाध्यक्षहरुमा क्रमशः गङ्गा सूर्यबंशी, जसई चौधरी र केशव प्रसाद चौधरीलाई चयन गरेको छ । यस्तै सचिवमा मनोज कुमार चौधरी, कोषाध्यक्षमा कामना चौधरी तथा दुई जना सहसचिवमा क्रमशः श्याम वहादुर चौधरी र सन्तमान श्रेष्ठ चयन हुनु भएको छ ।
