सुनवल । पश्चिम नवलपरासीको सुनवल १० खखरीवारी स्थित हरिहर ओमकारेश्वर मन्दिरमा शनिवारदेखी श्रीमद्भागवत धन धान्याचल ज्ञान महायज्ञ सुरु भएको छ । शनिवार बृहत कलश यात्रा पछि भएको भव्य समारोहका विच महायज्ञको १००८ स्वामी विवेकानन्द सरस्वती महाराजले महायज्ञको उद्घाटन गर्नुभएको हो । महायज्ञको उद्घाटन गर्दै उहाले संस्कार विना जीवन, कर्म अधुरो हुने बताउनुभयो । कार्यक्रममा प्रदेश सभा सदस्य खडक बस्नेत,सुनवल नगरपालिकाका प्रमुख विमला अर्याल, जनप्रतिनिधि, विभिन्न संघ संस्थाका प्रतिनिधि लगायतले संस्कार र संस्कृतिको संरक्षणका लागि सबै लाग्नु पर्ने भन्दै महायज्ञ सफलताको सुभकामना दिनुभएको थियो ।
महायज्ञ अवधि भर भीमकान्त भागवत ज्युको मुखारविन्दुबाट कथा श्रवण तथा धार्मिक अनुस्ठानका कार्य हुने महायज्ञ सम्पादन मूल समितिका संयोजक विष्णु प्रसाद पौडेलले बताउनुभयो । सुनवलमा रहेका एतिहासिक पर्यटकीय स्थलको प्रचार प्रसार तथा प्रबर्दन साथै विश्व शान्तिहेतु आयोजना गरीएको महायज्ञ आगामी माघ २१ गते सम्म संचालन हुने महायज्ञका सयोजंक पौडेलले जानकारी दिनुभएको छ । संयोजक पौडेलका अनुसार महायज्ञमा सकलिंत रकमबाट अक्षकोषको स्थापना गरिने छ ।