सुनवल । पश्चिम नवलपरासीको रामग्राम नगरपालिकाले नगर भित्रका कृषकलाई कृषि सामाग्री वितरण गरेको छ ।नगरपालिका परिषरमा आज मङ्गगलवार एक कार्यक्रमका विच नगर प्रमुख धनपद यादवले २३७ जना कृषकलाई कृषि समाग्री वितरण गर्नुभएको हो । कृषि सामाग्री वितरण गर्दै नगर प्रमुख यादवले कृषि सामाग्रीको उपयोगितामा जोड दिदै उत्पादन बढाउन कृषकलाई आग्रह गर्नूभयो ।
नगरको चालु आव २०७९/८० को कार्यक्रम अनुसार कुल ७ लाख ५० हजार लागतममा नगरका १८ वटा वडाका २३७ जना कृषकलाई ५० प्रतिशत लागत सहभागितामा कृषि सामाग्री वितरण गरेको कृषि शाखा प्राविधिक सनद कुमार गिरीले जानकारी दिनुभयो । जसअन्र्तगत ३२४ वटा इलेक्ट्रिक स्पे्र टङकी, १०० वटा तरकारी टोकरी, ९५ थान मलचिङ्ग प्लाष्टिक टर्नेल प्लाष्टिक लगायत रहेका छन् ।
केही समय अघि नगरपालिकाले जारी गरेको सुचनाको समय भित्र कृषकबाट प्राप्त दरखास्तका आधारमा कृषक छनौट गरी आज कृषि सामाग्री वितरण गरिएको प्राविधीक गिरीले बताउनुभयो ।
