सुनवल ।पश्चिम नवलपरासीको सुनवलमा आज विहिवार सञ्चालित एक दिने निशुल्क आखा शिविरबाट २३५ जनाले आँखा परिक्षण गरि लाभ लिएका छन् । उद्योग वाणिज्य संघ सुनवल नवलपरासीले बुटवल लायन्स आखाँ अस्पतालको प्राविधिक सहयोगमा आज तिरुपति मार्ट परिषर सुनवल चौराहामा निशुल्क आखा शिविर सञ्चालन गरेको थियो ।
आखा जाच गरिएका मध्ये २० जनालाई मोतियाविन्दु देखा परेकाले थप उपचारका लागि बुटवल रेफर गरिएको नेत्र अधिकृत मनोहर न्यौपानेले बताउनुभयो । त्यस्तै ५ जनालाई आँखामा समस्या देखिए पछि भैरहवा रिफर गरिएको र केही आँखा पाक्ने समस्या र अन्य सामान्य रहेका छन् । आखा जाच गराएका २३५ जनालाई नै सामान्य औषधि प्रदान गरिएको नेत्र अधिकृत न्यौपानेले बताउनुभयो ।
सोही शिविरमा सुगर पनि निशुल्क परिक्षण गरिएको थियो । जसमा ४० जनामा सुगर लेवल उच्च पाईएको सुगर परिक्षण प्राविधिक सुशिल पौडेलले जानकारी दिनुभयो । सो अवसरमा बुटवल लायन्स आखाँ अस्पतालका प्राबिधिकहरुलाई मायाको चिनो र प्रमाणपत्र प्रदान गरिएको थियो ।
