Enter

भदौ १२ गते नवलपरासी । शैक्षिक शत्र सुरु भए लगतै विद्यार्थीको हात हातमा पुस्तक पुग्नु पर्ने स्थानिय सरकारकाे निति छ । पश्चिम नवलपरासीको बर्दघाट नगरपालिकाको वडा नम्बर ४ मा रहेको नवजीबन माद्यामिक विद्यालयमा शैक्षिक सत्र सुरु भएको ५ महिना हुँदा पनि विद्यार्थीहरुले पाठ्यपुस्तक पाएका छैनन् ।

बर्दघाट नगरपालिकाले पुस्तक खरिदका लागि शैक्षिक शत्रको सुरुमै नगरभित्रका विद्यालयलाई रकम पठाए पनि हाल सम्म विद्यार्थीले भने पुस्तक पाउन नसक्दा उनीहरूकाे भविष्यमाथी गम्भिर खेलबाड भैरहेको स्पस्ट छ ।

वर्दघाट ४मा रहेकाे नवजीबन मावीमा पुस्तक खरिदका लागि २ लाख १२ हजार ७ सय ५६ रुपैँया नगरपालिकाले निकासा गरेको हो तर विडम्वनाकाे कुरा विद्यार्थीहरुले किताब बिना नै प्रथम त्रैमासिक परिक्षामा सामेल हुन वाध्य भएकाे विद्यालयका प्रधानाध्यापक कमल प्रसाद अर्यालले बताउनुभयो ।

उहाँ का अनुसार यस विद्यालयमा उहा आएको धेरै भएको छैन अंग्रेजी माध्यमलाई ट्रान्सलेट पुस्तक दिनुपर्नेमा हालसम्म विद्यार्थीले पाएका छैनन् ।

विद्यालयमा आएको रकम प्र.अ. पाैडेलकाे निजि पुस्तक पसलका नाममा निकासा भैसकेको छ तर पसलबाट पुस्तक भने कहिले आइपुग्ने हाे कुनै अत्ताे पत्ताे छैन् ।

निकासा भएको रकम विद्यालयका तत्कालिन प्रधानाध्यापक अर्जुन पौडेलले पौडेल पुस्तक पसल नामकाे आफ्नै पुस्तक पसलका नाममा रकम निकासी गराउनुभयो ।

समयमा नै रकम निकासी लिएका पौडेलले किताब भने विध्यार्थीले प्रथम त्रैमासिक परीक्षा दिइसक्दा सम्म पनि उपलब्ध गराउनु भएको छैन । अंग्रेजी माध्यमलाई ट्रान्सलेट पुस्तक उपलब्ध गराउनुपर्ने भएपनि हाल सम्म उपलब्ध गराईएको छैन ।

कक्षा १ देखी ३ सम्मको गणित, कक्षा ४ र ५ को गणित, विज्ञान र स्वास्थ्यको ट्रान्सलेट पुस्तक विद्यार्थीले अहिले सम्म पाउन सकेका छैनन् । गत साउन सम्म आफै प्रअ रहेका पौडेलले केही विद्यार्थीहरुलाई किताब दिन बाँकी रहेको स्विकार्नुभयो । उहाँ भन्नुहुन्छ “ केहि कक्षाका केही किताबहरु आउन बाँकी थिए अहिले पसल मैले हेर्दिन मेडम (श्रीमती) वा बाबु(छाेरा) लाई थाहा होला ।” किताब नपाएको स्विकारेका पौडेलले सोमबार मात्रै कक्षा ६ र ७ का किताबहरु विद्यालयमा पठाउनु भएको छ ।

पौडेल हाल नवजीवनबाट सरुवा भै वडा नम्बर १३ मा रहेको दुर्गा आधारभुत विद्यालयमा प्रधानाध्यापक कै रुपमा कार्यरत हुनुहुन्छ । झण्डै आधा शैक्षिक शत्र हुनलाग्दा समेत विद्यार्थीले पुस्तक नपाउनु गम्भिर विषय भएको सामाजिक विकास समितिका संयोजक भिमकाजी गुरुङ बताउनुहुन्छ ।

संयोजक भिमकाजी गुरुङका अनुसार केही दिन भित्रै प्रअको बैठक डाकीने र यस विषयमा गम्भिरताका साथ छलफल गराईनेछ ।” पाठ्य पुस्तक नपाएको गुनासो नगरमा आएपछि नगर प्रमुख सम्भुलाल श्रेष्ठले विद्यालय प्रशासन संग सोधपुछ गरेको बताउनुभयो । उहाँ भन्नुहुन्छ “ अहिले सम्म पाठ्यपुस्तक नपाएको गुनासो आएपछि मैले तत्काल प्रअलाई फोन गरी जानकारी लिँए । केही दिन भित्रमा दुवै प्रअलाइ बोलाइ छलफल गरी विद्यार्थीलाई पाठ्यपुस्तक उपलब्ध गराउने र दोषिलाई कारवाही गर्छौ ।

नगर शिक्षा व्यवस्थापनकाे पूर्ण जिम्मेवारी वाेकेकाे नगरपालीकाले पुस्तक विनानै विद्यार्थीले त्रैमासिक परिक्षा दिइरहदा समेत प्रधानाध्यापककाे पुस्तक कमिसनकाे खेलाे हुदा समेत नगरपालीका रमिते वनेकाे अभिभावककाे गुनासाे छ ।