नवलपरासी ।असाेज २७
देशको ठुलो औद्योगिक प्रतिष्ठानका रुपमा परिचित चौधरी फाउण्डेशनले नवलपरासी पश्चिममा निशुल्क कृतिम हात खुट्टा जडान गर्ने सेवाको लागि सिजी सवल केन्द्रको सुभारम्भ गरेको छ ।
नवलपरासीको बर्दघाट स्थित चिसापानी अस्पताल भित्र देशभरका नागरिकहरुले कृत्रिम हातखुट्टा जडान गर्ने सेवा संचालन गर्न परियोजना सुरु भएको छ ।
शनिबार नेपाली कांग्रेसका केन्द्रीय सदस्य एवं सांसद विनोद चौधरीले अस्पताल परिषरमा सबल केन्द्रको सुभारम्भ गर्नु भएको हो ।
सेवा सुभारम्भ भए संगै चिसापानी अस्पतालबाट देशभरका हातखुट्टा नभएका व्यक्तिले कृत्रिम हातखुट्टा निशुल्क जडान गर्न पाउने वताइएको छ ।
नवलपरासी १ बाट निर्वाचित सांसद चौधरीले चिसापानी अस्पताललाई यो क्षेत्रकै उत्कृष्ट सेवा प्रदान गर्ने अस्पतालका रुपमा अगाडि बढाउने दिशामा प्रयास गर्दै आउनु भएको छ ।
चौधरी फाउण्डेसनको सहयोगमा अस्पताललाई विशिष्टिकृटत सेवा दिने अस्पतालका रुपमा काम भइरहेका बेला शनिबारदेखि सबल केन्द्रको पनि उद्घाटन भएको हो ।
केन्द्रले निशुल्क कृत्रिम हातखुट्टा उपलब्ध गराउँदै आएको छ । सांसद चौधरीले आफ्नो निर्वाचन क्षेत्रका नागरिकको सेवाकालागि चिसापानी अस्पतालमा सबल केन्द्र स्थापना गरेको चौधरीले बताउनु भयो । चिसापानी अस्पतालबाट देशभरका हातखुट्टा नभएका व्यक्तिले सेवा पाउने चौधरी फाउण्डेसनले जनाएको छ । साथै अस्पताललाई यस क्षेत्रको उत्कृष्ट अस्पताल बनाउने फाउण्डेसनको प्रतिवद्धता छ ।
सांसद चौधरीले चिसापानी अस्पताललाई थप विशिष्टिकृत बनाउन ट्रमा सेन्टरको स्थापना प्रकृया थालनी भएकाे बताउनुभएको छ । मा. चाैधरीले ट्रमा सेन्टर स्थापनाका लागि सोहि क्षेत्रकै कतिपय नेताहरुकाे सकारात्मक भूमिका नरहेकाे उल्लेख गर्दै आफू ले कुनैकसर नराखी ट्रमा सेन्टरको स्थापना गरेरै देखाउने प्रतिवद्धता व्यक्त गर्नुभयो ।
संसद चौधरीले अस्पतालकाे सेवा २४ सै घण्टा सेवा सुचारू गराउने कार्यकाे लागि सम्पूर्ण सहयोग गर्ने र ट्रमा सेन्टर बनाउन अवराेध गर्यँन यहिकै केहि नेताहरु लागेको देख्दा म आफै लज्जित बनेको वताउदै जसरी भए पनि बनाएरै छोड्ने प्रतिवद्धता दाेराेरयाउनु भयाे ।
बर्दघाट नगरपालिकाका मेयर शम्भु श्रेष्ठले चिसापानी अस्पतालको सेवामा गुणास्तर सुधार र विस्तारमा चौधरी फाउण्डेसनले महत्वपूर्ण योगदान दिएको बताउनु भयो । मेयर श्रेष्ठले यसका लागि फाउण्डेसनलाई धन्यवाद दिदै अस्पताललाई उत्कृष्ट बनाउन नगरपालिका प्रतिवद्ध रहेकाे जिकिर गर्नु भयाे । नगरपालिकाले सिमित श्रोत र साधनका बाबजुत पनि नगरबासिलाई स्वास्थ्य सेवाको पहुँचमा पुर्याउन लागिपरेको उहाँले बताउनु भयो । सांसद चौधरीकै पहलमा हालैमात्र सरकारले चिसापानी अस्पताल सहित नवलपरासीमा ३ चिकित्सक पठाएको छ।
