परासी\ सुनवल
नेपाली कथानक चलचित्र “भाविको लेखान्त”को शुटिंग नवलपरासीको सुनवलमा हुने तय भएको छ ।
शिखा मिडिया प्रालिद्वारा संचालित दर्पण पोस्ट डट कम् ले बिहीबार सुनवलमा आयोजना गरेको स्वागतत्का क्रममा सम्बोधन गर्दै चलचित्रका निर्देशक सुरेन्द्र थापाले चलचित्रको छायांकन सुनवलक्षेत्रमा गरिने भएको बताउनु भएको हो।
नेपाली टेलिशृङ्खलाको रुपमा रहेको ‘भाविको लेखान्त’ ठुलो पर्दाका लागि नवलपरासीको सुनवल, दाङ र रोल्पामा छायाँकन हुन लागेको निर्देशक सुरेन्द्र थापाले जानकारी दिनुभयो ।
कुन्जन भट्टराईको लेखन , लेखान्त भुषालको निर्देशन र सन्दीप चौधरीको सम्पादनमा निर्माण हुन लागेको चलचित्र ‘भाविको लेखान्त’ मा ग्रामीण जीवनका कथावस्तुहरुलाई समेटिएर चलचित्रमा मिठास दिईएको उहाँले बताउनभयो ।
सो कार्यक्रममा सम्बोधन गर्दै खलनायकको भूमिकामा रहनुभएका बरिष्ठ कलाकार मुकुन्द थापा (भिम सेन खत्री)ले दाङकै कलाकार लेखान्त भुषालद्वारा चलचित्रमा सबै पात्रहरुको महत्वपूर्ण भूमिका रहने गरि निर्माण गर्न लागिएको चलचित्र खलनायककै कारण नायकको भूमिका शसक्त रहेको बताउनु भयो।
चलचित्रमा बरिष्ठ कलाकार मुकुन्द थापा, कलाकारहरु सुन्दर मायालु , सुनवलका पत्रकार बिमल भट्टराई लगायतको अभिनय रहने बताईएको छ।
