नवलपरासी । मंसीर २६
परासी। प्रधानमन्त्री पुष्पकमल दाहाल प्रचण्डले नेपालकाे शान्ती प्रकृयामा अाफनाे भुमिका प्राचिन शासक सम्राट् अशोककाे मार्गसंग सामिप्यता रहेकाे वताउदै बुद्धदर्शन, र शान्तीकाे सन्देश विश्वभर फैलाउन अाफु प्रतिवद्ध रहेकाे वताएका छन ।
युद्धबाट शान्तिकाे वाटाे लिएका सम्म्राट आशोक र आफूबिच एकै खालकाे संवेदना जोडिएको वताउदै उनले शान्ति र भगवान् बुद्धका शिक्षा आफूले इमान्दारितापूर्वक ग्रहण गर्ने विश्वास दिलाए
‘युद्धबाट शान्तिमा आएपछि शान्तिलाई विश्वव्यापी बनाउनका निम्ति सम्राट् अशोकसँग कहीँ न कहीँ मेरो एक खालको संवेदना जोडिएको कै पाउँछु । पहिलोपटक लुम्बिनी आउँदा मैले यो कुरा भनेको थिएँ । युद्धका एक कमान्डर अशोकले शान्तितिर आएर लुम्बिनीमा अशोक स्तम्भ राखेर बुद्धको सन्देश संसारभर लैजान पहल गरेकोबाट म उत्प्रेरित छु । यो कुरा साँचो हो मलाई त्यसबाट प्रेरणा प्राप्त छ । मैले यसअघि र अहिले विश्व समुदायमा शान्तिका लागि गरेको अपिलसँग अशोकको पहल र मेरो भावना मेल खाएको देख्छु । मानिसले विभिन्न अर्थ लगाउँछन् लोकतन्त्रमा भन्न सबैलाई छुट छ’, मंगलबार नवलपरासीको रामग्राममा आयोजित विश्व शान्तिको विशेष कार्यक्रमलाई सम्बोधन गर्दै उनले भने ।
एतिहासिक प्राचिन भूमि रामाग्रामको स्तूपा अगाडि उभिएर शान्ति र भगवान् बुद्धका शिक्षा आफूले इमानदार र दृढतापूर्वक ग्रहण गर्न लागिराख्ने विश्वास उनले दिलाउदै दिनकाे ठिक १२ वजेर १२ मिनटमा विश्वशान्तीका निम्ति दिप प्रवज्वलन गरे । त्यति धेरै लडाइँबाट आएको मान्छेले बुद्धलाई स्थापित गर्न सक्छ भने आफू त एउटा सानो युद्धबाट आएको मान्छेले धेरै गर्न सक्छ भन्ने आत्मविश्वास रहेको प्रधानमन्त्री प्रचण्डले बताए ।
प्रधानमान्त्री प्रचण्डलले ग्रेटर लुम्विनीको परिकल्पना भित्र रामग्रामको विकासको वृहत योजना समावेश भएको भन्दै यस क्षेत्रको महत्त्व अरू बढेर जाने बताए ।
नेपालसंगै विश्व शान्तिको कामना र जलवायु परिवर्तनको असरबाट नेपाल र नेपाली जनताको रक्षाका निम्ति एउटा नयाँ प्रतिबद्धता प्रस्तुत भयो’, प्रधानमन्त्रीले भने,‘देशमा जलवायु परिवर्तनका कारण नागरिकले खेपेका बाढी पहिरो लगायतका प्राकृतिक प्रकोपको बारेमा विश्वको ध्यान खिच्न सफल भएको प्रचण्डले वताए ।
प्रधानमान्त्री प्रचण्डकाे रामग्राम अागमनले दवेर रहेकाे रामग्रामकाे इतिहास उजागर हुने र रामग्रामकाे महत्वले विश्वलाइ अार्कषित गर्ने अपेक्षा गरेका छन ।
