सुनवल / पौष-१६- आधुनिक समाजमा मानव स्वास्थ्य दिन प्रतिदिन जटिल वन्दै गैरहेको परिपेक्षलाई दृष्टिगत गर्दै सुन्दर नगरी सुनवलमा वहुउपयोगी ध्यान केन्द्रको परिकल्पनाका साथ श्रीमद्भागवत धनधान्याचल ज्ञान महायज्ञ आयोजना हुने भएको छ ।
यहि माघ ०१ गते देखि ०८ सम्म सुनवल सि गेट प्राङ्गणमा आयोजना हुने ज्ञान महायज्ञको आज तिरुपती मार्टमा अवस्थीत सचिवालय कक्षको सुनवल नगर प्रमुख विमला अर्यालले उद्घाटन गर्नुभएको छ ।
महायज्ञ सचिवालय कक्ष उद्घाटनका क्रममा शुभकामना दिदै प्रमुख अतिथी एवं नगर प्रमुख अर्यालले नगरपालिकाले ध्यान केन्द्रको परिकल्पना गरि योजनामा समेत समावेश गरिसकेको अवस्थामा ज्ञानमहायज्ञ आयोजकले समेत योग तथा ध्यान केन्द्र स्थापनालाई मुल लक्ष्य वनाएकोेमा खुसी व्यक्त गर्र्दै नगर सरकार र महायज्ञ आयोजक समितिको सहकार्यलाई नगरपालिकाले प्राथमिकतामा राखी सहयोग गर्ने प्रतिवद्धता व्यक्त गर्नु भयो ।
श्रीमद्भागवत धनधान्याचल ज्ञान महायज्ञ आयोजक मुल समितिका संयोजक एवं पूर्व नगर प्रमुख भिम वहादुर थापा भरतले सुनवलको विकासलाई साझा अभियानका रुपमा सवैको योगदानलाई महत्वकासाथ अघाडी वढाउदै योग तथा ध्यान केन्द्र भवन निर्माणार्थ हाम्रो सुनवल निर्माण सत्मार्ग महायज्ञ मूल समारोह समिति —२०८० कृयाशिल रहने वताउनु भयो ।
मूल समारोह समिति संयोजक थापाका अनुसार आयोजक मूल समारोह समिति २१०० जनाको रहने छ भने आवश्यकता अनुसार उप समितिहरु गठन हुनेछन् ।
८ दिन सम्म संचालन हुने योग तथा वहुउपयोगी ध्यान केन्द्र निर्माणार्थ बिराट ज्ञान महायज्ञको प्रमुख बाचकका रुपमा प्रखर एवं चर्चित वाचन प्रविण पं.दिनवन्धु पोखरेल रहनु हुनेछ भने सत्यनिष्ठ वालव्यास श्री श्रवण न्यौपानेज्यूको सत्संकल्प रहने संयोजक थापाले जानकारी दिनु भयो ।
सुनवल नगर थप सुन्दर र विकासोन्मुख वनाउन सम्पूर्ण नगर र जिल्लावासीको अपनत्व र हातेमालो रहोस भन्ने अभिप्राय समारोह आयोजकको नामाकरणमै झल्कीएकोले सुन्दर स्वस्थ्य र विकासशिल सुनवल निर्माण अभियानमा हाम्रो सुनवल निर्माण सत्मार्ग महायज्ञ मूल समारोह समिति मार्फत समाहित हुदै सहयोग गर्नु हुन सम्पूर्ण नगर तथा जिल्लावासीहरुमा हार्दिक अपील समेत गरेको छ ।
