सुनवल / मंसिर१५
सुनवल नगरपालिकाका माध्यमिक विद्यालयहरुको विज्ञान प्रदर्शनी तथा प्रतिभा पहिचान कार्यक्रम २०८० को उपाधी महाकवि देवकोटा नमुना माविले जीतेको छ ।
सुनवल नगरपालिकाको संयोजन र महाकवि देवकोटा नमुना माविको अयोजनामा दिगो र शान्तिपुर्ण समाज निर्माणका लागी साक्षरताको प्रर्वद्धन भन्ने मुल नाराका साथ विज्ञान प्रदर्शनी प्रतियोगीता आयोजना गरीएको हो ।
विज्ञान प्रदर्शनी प्रतियोगीतामा महाकवि देबकोटाका प्राञ्जल सुबेदीको समूह प्रथम , जगन्नाथ माध्यमिक विद्यालय दृतीय , धान्याञ्चल मावि तृतीय र रमवापुर माविले सांत्वना उपाधि कब्जा गरेका छन् ।
यसै बिच आज परासीमा सम्पन्न नेपाली कांग्रेस नवलपरासी प्रथम जिल्ला सम्मेलनमा सहभागी हुन आएका नेपाली कांग्रेसका बरिष्ठ नेता डा शेखर कोइराला सहितका जिल्ला र केंद्रीय राजनीतिज्ञहरुले महाकवि देवकोटा नमुना माविको प्रांगणमा आयोजीत विज्ञान प्रबिधि प्रदर्शनीको रुचिपूर्वक अवलोंकन गरि देशको भविष्यका कर्णधार बिधार्थीहरुको प्रेमपूर्वक हौसला र प्रेरणा बढ़ाएका थिए ।
नेता डा शेखर कोइरालाले आफ़ुले सम्मानमा ग्रहण गरेको फूलमाला एक बिधार्थीको गलामा लगाई प्रेरणा दिएका थिए ।
विज्ञान प्रदर्शनी प्रतियोगीतामा सृजनशिलता , खाेज र परिश्रम गरी विजेता वनेका सहभागी विध्यार्थीहरूले अायाेजकले व्यस्थापन गरेकाे विजेता उपविजेता र सान्तवना पुरस्कार साेभनिय नभएकाे भाव प्रकट गरेका थिए ।
विज्ञान प्रदर्शनी प्रतियोगीतामा सुनवल नगरपालिका भित्रका १२ विद्यालयहरुको सहभागिता रहेको थियो ।
