परासी/ जेष्ठ-२३
‘बैंक पनि साथी पनि, राम्रो पनि हाम्रो पनि’ भन्ने नाराका साथ उत्तरदायी बैंकिङ्गको अभ्यास गर्दै आइरहेको एन आई सी एशिया बैंकले दुर्घटनामा मृत्यु भएकी युनिसा खत्रीको परिवारलाई १० लाख हस्तान्तरण गरेको छ ।
वैकले लागू गरेको आकर्षक फाइदाहरू सहितको सर्वश्रेष्ठ बचत खाता योजना अन्तर्गत दुर्घटनामा परी ज्यान गुमाउनु भएकी खोटङ, दिप्रुङ चुईचुम्मा गाउँपालिका स्थायी घर भई हाल नवलपरासी वसाइ गरेकी स्वर्गीय युनिसा खत्रीकको परिवारलाई दुर्घटना बीमा वापतको रकम उपलब्ध गराएको हो ।
वंकको परासी शाखा कार्यालयमा सर्वश्रेष्ठ बचत खाता खोल्नु भएकी मृतक खत्रीको खातामा उपलब्ध दुर्घटना बीमावापतको रकम निजको बाबु लेखराज खत्रीलाई बैंकका सहायक प्रमुख कार्यकारी अधिकृत जयेन्द्र रावल तथा लुम्बिनी प्रदेश प्रमुख तिलक सुन्दर कार्कीले संयुक्त रुपमा १० लाख रुपैयाँको चेक हस्तान्तरण गर्नुभएको हो ।
मृतक खत्रीका बुबा लेखराज खत्रीले यस शाखामा सर्वश्रेष्ठ बचत खाता खोल्नुभई निजको छोरी मृतक खत्रीको नाममा खोलिएको सहज बन्डल खातामा उपलब्ध उक्त लाभ नेपाल इन्स्योरेन्सको सहकार्यमा प्रदान गरिएको हो ।
एन आई सी एशिया बैंकले नेपालभर ३६० शाखा, ६७१ एटिएम, ११८ वटा विस्तारित काउन्टर र ५१ वटा शाखा रहित शाखा सञ्जाल विस्तार गरेको छ वैकले जनाएको छ ।
देशको कुल जनसंख्यामध्ये २० वर्षदेखि ५० वर्ष उमेर समूहसम्मको आर्थिक रूपमा सक्रिय जनसंख्याको करिब २५ प्रतिशत जनतालाई सेवा दिन यस बैंक सफल भएको बैकको दावी छ ।
देशको अर्थतन्त्रको सवलीकरण तथा उच्च आर्थिक वृद्धिमा टेवा पु¥याउन उत्तरदायी बैंकिङ्गको अभ्यास गर्दै स्थापनाकालदेखि हालसम्ममा प्रत्यक्ष र अप्रत्यक्ष गरी कुल २३ अर्ब ७ करोड भन्दा बढी राजश्व नेपाल सरकारलाई भुक्तानी गरेको र गत आर्थिक वर्षमा मात्र ३ अर्ब ६१ करोड भन्दा बढी राजश्व सरकारलाई बुझाएको बैंक को भनाइ छ ।
वित्तीय समावेशीकरणका लागि मुगु, कालिकोट, बझाङ, रूकुम, जुम्ला, सल्यान जस्ता बैंक तथा वित्तीय संस्थाहरूको उपस्थिति न्यून रहेका दुर्गम जिल्लाहरूमा तथा कुनै पनि बैंक तथा वित्तीय संस्थाहरू नपुगेको ३४ भन्दा बढी स्थानीय निकायहरूमा शाखा विस्तार गरी सञ्चालन गर्दै आएको बैकले जनाएको छ । देशको कुल जनसंख्याको ८०% भन्दा बढी जनसख्या बसोबास गर्ने ग्रामीण तथा साना सहरी क्षेत्रमा बैंकले आफ्ना ७२% शाखा कार्यालयहरू स्थापना गरि संचालन गरिरहेको एनआइसी एसिया वैकको भनाई छ ।
